haiN aur bhii duniyaa meN suKhan_war bahot achchhe
kahate haiN ki "Ghalib" kaa hai andaaz-e-bayaaN aur

 Azaab yeh bhi kisi aur per nahin aya,
Ke ik umar chale aur ghar nahin aya..

Tere baghair meri umar raayegaan* guzree,
Koi bhi kaam nahi theek se hua barson..

(raayegaan;waste)

 Bohat hi kam nazar aya mujhe ikhlaas logon mein,
Yeh daulat batt gayi shayed bohat hi khass logon mein..

 Ab to un ki yaad bhi aati nahin,
Kitni tanha ho gayin tanhaayiyan..

Ab kar ke faramosh to na’shaad* karo ge,
Per hum jo na hon ge to bohat yaad karo ge..

(na’shaad;cheerless)

 Ab aa gaye hain aap to ata nahin hai yaad,
Warna kuch hum ko aap se kehna zaroor tha..

 Aap ka aitbaar kon kare,
Roz ka intizaar kon kare..

 Mujhe to gham tha us ke bicharrne ka magar,
Woh hath malta raha umar bhar ganwaa ke mujhe..

Bohat hi saada hai tu aur zamaana ayyaar*,
Khuda kare tujhe zamaney ki hawaa na lage..

(ayyaar;clever)

 Dushmano ki jafaa ka khauf nahin,
Doston ki wafaa se dartey hain..

 Bicharrne waley ne yeh na socha ho ga,
Aik do din nahi barson ki shanasaayi hai..

Aaj na hum se puchiye kaisa kamaal ho geya,
Hijar ke khauf mein rahe aur visaal ho geya..

 Aag they ibtidaa-e-ishq mein hum,
Ho gaye khaak intehaa yeh hai..